Судот во Минск денеска осуди 11 студенти и еден универзитетски професор на најмалку две години затвор поради учество во минатогодишните протести по реизборот на претседателот Александар Лукашенко, соопшти невласината организација Весна.

Еден студент е осуден на две години затвор, а другите се осудени на 2,5 години. Тие се обвинети за „организиран криминал” и дека активно учествувале во настани кои „сериозно го нарушуваат јавниот ред” на универзитетите.

Според организацијата Весна, сите обвинети, кои се уапсени есента 2020 година, се политички затвореници.

Во исто време, белоруската полиција денеска изврши претреси во домовите на 12 новинари од независните и опозициските медиуми.

Белоруската полиција во текот на неделата уапси десетици новинари и блокира две независни страници за вести, Наша Нива и ТУТ.би, изврши претреси во околу 15 организации, вклучително и големи групи за човекови права и уапси неколку вработени.