Заев ќе присуствува на отворањето на Коридор 10 во Србија
Премиерот на Северна Македонија, Зоран Заев утре ќе биде присутен на утрешното отворање на јужниот крак на автопатот на Коридор 10 низ Србија, на покана на српскиот претседател Александар Вучиќ.
„Мислам дека пристигнувањето на Заев е важна вест и го покажува значењето на Коридорот 10“, истакна Вучиќ во утринската програма на РТС, додавајќи дека од Белград до Северна Македонија сега ќе се стигнува за три часа.
Тој потсети дека на делницата на автопатот преку Грделичка клисура од 26,3 километри, претходеше отворањето на делницата од Грабовница до Грделица од 5,6 километри, потоа Владичин Хан – Врање од 28 километри, Левосоје – Српска куќа од 10 километри.
„Тоа беа најтешки делници. Тоа сега изгледа величенствено, но кога работите вредно и посветено, резултатите се евидентни“, нагласи Вучиќ.