Премиерот Заев и вицепремиерот Груби, заедно со лидерот на ДУИ Али Ахмети, попладнето ја посетија фабриката „One cable” во скопското село Сарај.

Станува збор за „современа инвестиција за производство на бакарни кабли и ПВЦ гранулат за електрична енергија со најмодерна технологија, која вработува 30 висококвалификувани кадри. Производството се пласира на домашниот пазар, а веќе се конкуренти и извезуваат во Албанија, Бугарија, Хрватска и Косово“, пишува во владиното соопштение.

„Во зоните, регистрирани се рекордни економски активности во првите осум месеци од 2021 година во однос на минатите години. Вкупниот извоз во првите осум месеци достигна 2,04 милијарди евра, што е за над 50% повеќе во однос на истиот период лани, односно над 11% во споредба со 2019 година и речиси 32% повеќе од 2018 година“, се додава во соопштението.