По денешната средба со координаторот на пратеничката група на Алијансата на Албанците на новинарско прашање дали Законот за попис ќе биде поддржан од сите пратеници, премиерот Заев рече дека очекува поддршка од сите.

– За да може најголемата опозициска партија да учествува во пописот преку дијалог го одложивме пописот за септември. Поголем број од на населението ќе биде имунизирано. Во ред е во такви околности да излеземе согласно сите наши аргументи кои ги имавме и претходно, дека никој не може да гарантира дека во септември нема да има поголем пандемиски бран од сегашниот. Но цело е кога има сѐ. Кога сме сите вклучени тогаш ќе има посериозна гаранција. Јас можам да гарантирам пред граѓаните дека ќе сторам сѐ  процесите во државата да бидат успешни, како што е и овој процес за добивање на квалитетни податоци. Од квалитетот и од целосноста на податоците се димензионираат и економските и финансиските и секој вид на политики, без разлика дали станува збор за Влада предводена од мене, или, од било кој друг во државата. Затоа е важно низ дијалог да постигнеме консензус особено за вакви важни прашања за државата и граѓаните, рече Заев.