Вучиќ: Потребна е итна набавка на вакцини против ковид-19
Претседателот на Србија, Александар Вучиќ, денеска одржал разговори со претставници на повеќе институти и агенции за набавка на вакцина против ковид-19 во оваа земја, пренесува Данас.рс.
Вучиќ на Инстаграм објави дека се сретнал со претставници на Институтот за вирусологија и вакцини, како и со Институтот за јавно здравје „Батут“, Агенцијата за лекови и Републичкиот фонд за здравствено осигурување, со кои разговарал за набавка на вакцини против ковид-19.
-Итна набавка на вакцини е една од темите на денешниот состанок – истакна Вучиќ.
Покрај нив, на состанокот присуствувале и премиерката Ана Брнабиќ и министерот за здравство Златибор Лончар, кои исто така укажале на неопходната потреба за набавка на вакцини против вирусот.