Вучиќ ја отфрли идејата за недела да биде неработен ден во Србија: Како мислите дека Германецот ги заработува парите?
Германската компанија АФТ денеска отвори фабрика за авто делови во српскиот град Прибој, во присуство на српскиот претседател Александар Вучиќ.
Притоа, за време на настанот, Вучиќ меѓу другото зборувал и за идејата која се појави во Србија, а во Македонија се очекува наскоро да стане реалност, а тоа е недела да биде неработен ден.
„Како мислите дека Германецот ги заработува парите? Вредни луѓе, посветени луѓе, луѓе на кои работата им е животот – само така можат да напредуваат. А не само да бараат уште еден слободен ден. Јас кога ги слушам тие идеи недела да биде неработен ден, сабота да биде неработен ден, петок да биде неработен ден – може, идете во тие земји, а во Србија мора да биде работен ден, за да можеме да ги стигнеме тие кои денеска размислуваат за неработни денови“, оцени Вучиќ, а пренесува Блиц.
Како што додаде Вучиќ, „мора да се работи и на оној на кого тоа не му се допаѓа нека ја промени власта и нема никакви проблеми.
Извор: Блиц.рс