Според последните податоци, уште 5.255 новозаразени со коронавирус се регистрирани во Србија во последните 24 часа.

Според здравствените власти починале 37 луѓе, а во моментов 183 пациенти се поставени на респиратори.
Српските лекари апелираат дека вакцинацијата е единствениот начин за борба против вирусот.

„ Со примената на Ковид пропусници е задоцнето бидејќи веќе има премногу заразени луѓе за еден ден, и речиси е неверојатно било кој разумен да ја доведува во прашање вакцината, смета лекарската фела

Епидемиолозите во Србија се загрижени за следниот период бидејќи стравуваат дека доколку нема доволно вакцинирани, епидемијата може да трае подолго, а таквите тешки услови ги погодуваат сите и ќе имаат негативни последици.

Вирусолозите пак предупредуваат дека дури и оние кои го прележале Ковидот не се заштитени бидејќи вирусот Делта го пробива стекнатиот имунитет.