Во ковид-центрите во Скопје во изминатите 24 часасе хоспитализрани 22 нови пациенти поради компликации од корона вирусот, информираат од Монистерството за здравство. Вкупно 279 лица сомнителни и потврдени за Ковид-19 се лекуваат на инфективните оддели во главниот град.
Во последното деноноќие, на интерните клиники имало 8 приеми, во ковид-центарот во ГОБ 8 Септември 7 нови приеми, а на Инфективната клиника 8. Дома се пуштени 29 оздравени пациенти.
Вкупно 279 пациенти потврдени и сомнителни за Ковид- 9 во моментот се лекуваат на инфективните оддели во болниците во главниот град. Голем дел од пациентите се на кислородна поддршка. На Кожната клиника во ковид-центарот се лекуваат 16 пациенти, на Клиниката за неврологија 19 болни, а на Институтот за ТБЦ 12 пациенти со симтоми на корона вирусот. Во ковид-центарот на Клиниката за нефрологија се сместени 13 пациенти, на Клиниката за очни болести 4 пациенти, на ОРЛ 13 болни, а на Клиниката за гастроентерохепатологија 22. Во ГОБ 8 Септември има вкупно 85 болни, на Клиниката за инфективни болести 77 , а во Иститутот за белодробни заболувања кај деца Козле има 18 пациенти.
Бројот на приеми во изминативе денови е стабилен и утрово до 8 часот имало 159 слободни места, а се очекува во тек на денот по направените исписи на оздравените пациенти да се ослободат и дополнителни места. Сите инфективни одделенија имаат довод на кислород и можат да згрижат пациенти кои имат потреба од кислородна поддршка.
Видео на денот