Рускиот претседател Владимир Путин во обраќање до нацијата соопшти дека утре во Русија е ден на жалост, по терористичкиот напад што синоќа се случи во концертната сала Крокус во северозападниот дел на Москва.

На почетокот на обраќањето Путин најпрвин изрази благодарност до спасувачките служби кои направиле се за да спасат што повеќе животи и изрази сочувство до семејствата на жртвите. Терористичкиот напад го нарече „крвав, варварски чин“.

– Напаѓачите се упатија кон Украина, каде ги чекаше безбеден премин. Истражните и органите на редот ќе вложат максимални напори да ги утврдат сите детали за терористичкиот напад. Ќе ги идентификуваме и казниме сите одговорни. Криминалците ладнокрвно убиваа Руси и пукаа во Руси од непосредна близина како порано нацистите. Русија постојано минува низ најтешките искушенија. Така ќе биде и сега – рече Путин.

Група терористи отворија оган вчера околу 20 часот во концертната сала Крокус во северозападниот дел на Москва, по што подметнаа пожарот и побегнаа.

Најмалку 143 лица загинаа, но Рускиот истражен комитет очекува многу повеќе жртви со оглед на големиот број тешко повредени. Повеќе од 100 лица се хоспитализирани, од кои половина се во тешка состојба.

Терористите биле уапсени околу 3 часот по полноќ во областа Брјанск додека се обидувале да стигнат до Украина.

ВИДЕО | Терористот од Москва на испрашување признал се: Добив пари и насоки за нападот