Пратеникот на Српската демократска партија (СДС), Давор Шешиќ, во Собранието на Република Српска изјави дека постои вистински страв дека во моментов нема повеќе од 850 илјади жители во Република Српска и дека и се заканува демографска катастрофа, пренесе Бета.рс.

Шешиќ предупреди на големиот број заминување на населението од Република Српска и неможноста на сегашната влада да се справи со проблемот.

-На Република Српска и се заканува демографска катастрофа доколку продолжи овој тренд на заминување на населението, проследен со сегашното ниво на фертилитет (плодност или родност)-рече тој.

Според него, по војната во БиХ до пописот во 2013 година, Република Српска ја напуштиле 330.000 лица, а според проценките, уште 125.000 заминале после пописот.

-За жал, овој тренд не се намалува ниту денес. Структурата на луѓето што заминуваат е загрижувачка, бидејќи тоа е главно млада и работоспособна популација со целосна репродуктивна моќ- посочи тој.

Шешиќ истакна дека „демографскиот аларм е вклучен и дека е крајно време за соодветни демографски мерки на властите“.

Извор: Бета.рс