Во Гевгелија и Демир Капија денеска се измерени 43 степени, во Скопје, Струмица и Штип 41, а во Битола и Тетово 39. Во Охрид и Преспа се регистрирани 34, а најсвежо е во Крушево со 31 и Маврово со 30 степени.

УХМР предупредува дека продолжува периодот на стабилно и многу топло време со натпросечни температури за овој период од годината. Максималните температурни вредности долж Повардарието за 2 до 3 степени ќе го надминуваат 40-иот степен. И во наредните денови насекаде ќе биде активирано портокалово ниво на опасност од високи температури.

Утре максималната температура ќе достигне до 42 степена, а вредноста на УВ индекост до 9.

Во Скопје сончево и многу топло со слаб северозападен ветер. Минималната температура ќе се спушти до 20, а максималната ќе достигне 41 степен.