Во Австрија уапсени пет кошаркари за местење натпревари
Пет кошаркари од австрискиот тим УБСЦ Грац се уапсени поради сомневање за местење натпревари. Тие се сомничат дека натпреварите ги наместиле за нивниот тим, соопшти Хансерг Бахер, претставник на Државното обвинителство за Грац.
Обвинителството и полицијата во Грац не ги објавија имињата на уапсените кошаркарите,но австриските медиуми шпекулираат дека станува збор за двајца Американци и тројца кошаркари од поранешна Југославија.
Кошаркарите биле уапсени затоа што, според Обвинителството, постои ризик да избегаат и да се обидат да сокријат докази.
Генералниот директор на првиот тим во Грац, Михаел Фукс, потврди дека знаел за петмината уапсени кошаркари но дека не знае повеќе детали.