Високи парични казни за непочитување на мерките во Грција
За прекршување на правилата и заштитните мерки од страна на бизнисите тие ќе се казнуваат со привремено затворање, но и парично со суми кои ќе и се движат од 2.000 до 100.000 евра.
Грците кои нема да ги почитуваат мерките за заштита од ширење на корона вирусот ќе се соочат со големи парични казни кои би се движеле околу 150 евра.
Министерот за внатрешни работи на Грција, Такис Теодорикакос во интервјуто за грчката телевизија „Антена” рече дека „не се потпираме на систем на казни, туку на свесен обид од сите”.
За прекршување на правилата и заштитните мерки, бизнисите ќе се казнуваат парично но и со привремено затворање, а казните се согласно големината на бизнисот и се движат од 2.000 до 100.000 евра.
Надлежни за контроли се Генералниот секретаријат за трговија и заштита на потрошувачи, полицијата и општинската полиција, регионалните ревизорски служби, Трудовата инспекција и Управата за јавни приходи.