Новинар на Би-Би-Си кој известува од Украина се сретна со група млади луѓе кои доброволно се пријавија во центар во Киев да се борат за Украина. Повеќето од нив, пишува Би-Би-Си, се во доцните тинејџерски години, а во војна одат по само три дена основна обука.

Максим Луцик е 19-годишен студент по биологија. Тој беше загрижен да оди во војска по кратка обука. Тој му се придружи на својот 18-годишен пријател Дмитриј Кисиленко. Тие за кратко време научија неколку вештини и како да ракуваат со оружје.

“Се навикнав на пиштолот. Научив и како да пукам и како да се однесувам во битка, како и многу други работи кои се важни за борбата против Русите”, рекол Дмитро.

Запрашан дали е исплашен од тоа што го чека во борбата против Русите, тој рече: „Не многу, но во човечката природа е да се чувствува страв. Се разбира, длабоко во себе се чувствувам малку исплашен бидејќи никој не сака да умре, дури и ако е за одбрана на државата. Значи смртта не е опција за нас“, рече Дмитро.