ВИДЕО | Традицијата не смее да трпи: Верниците во Индија се капеа во светата река и покрај ужасната ковид состојба
Стотици илјади хиндуистички верници се капеа денеска во светата река Ганг, додека во земјата се зголемува бројот на заразени со ковид-19, пишува Ал-Џезира.
Хиндуистите веруваат дека капењето во реката Ганг за време на фестивалот Макар Санкранти ќе ги спаси од гревот.
Слични собири придонесоа за голем втор бран на пандемијата во земјата минатата година.
Despite a surge in COVID-19 infections in India, thousands of Hindu pilgrims gathered to bathe in the Ganges river during a holy festival.
Read more: https://t.co/dDEhfnsRRq pic.twitter.com/rttb1z1knc
— Al Jazeera English (@AJEnglish) January 14, 2022
Голем број луѓе се собраа покрај реката Ганг во северната држава Утар Прадеш и во источната држава Западен Бенгал, прекршувајќи ги воведените здравствени протоколи поради ковид-19.
Властите во градот Прајаграј во Утар Прадеш, каде што се одржа настанот, објавија дека учесниците мора да бидат вакцинирани и да имаат негативен ПЦР тест, како и да им се измери температура на верниците.
– Сите верници мора да покажат сертификати за вакцинација со негативен РТ-ПЦР тест. Се мери температура и се обидуваме да спроведеме безбедносни мерки и ќе преземеме чекори против прекршителите, изјави општинскиот функционер Пушпрај Синг.
Здравствените експерти предупредија дека таквите масовни настани во време кога земјата е зафатена од трет бран на Ковид-19 ќе го забрзаат ширењето на инфекцијата.
Поради позаразниот и помалку смртоносниот сој омикрон, Индија минатата недела забележа голем пораст на бројот на заразени. Во земјата со 1,3 милијарди жители, во изминатите 24 часа се регистрирани над 264 илјади заразени, што е пропорционално помалку отколку во повеќето европски земји.
Во изминатите 24 часа во Индија починале 315 лица, а од почетокот на пандемијата на Ковид-19 се потврдени 485.350 смртни случаи