Поранешен ученик од основното училиште „Лукавац Град“ во Босна и Херцеговина утрово влегол во училиштето и пукал во вработен, кој во моментов е хоспитализиран.

Сè уште не е потврдено за кого точно се работи, со оглед на тоа дека според едни сознанија бил застрелан педагог, а според други наставник.

Prve fotografije s lica mjesta: U Osnovnoj školi Lukvac učenik upucao nastavnika. UKC kaže da ima prostrijelnu ranu na vratu, radi se o sinu Ismeta Osmanovića. (Foto: Radio-televizija Lukavac) pic.twitter.com/ahvTXkBMqy

— Raport.ba (@BaRaport) June 14, 2023

Оваа информација за Klix.ba ја потврди и градоначалникот на Лукавац, Един Делиќ, посочувајќи дека пукањето го извршил ученик. Според него, полицијата веднаш го ставила под контрола и привела малолетниот напаѓач.

Исто така, пронајдено е и оружјето со кое го извршил нападот.

Сараевскиот портал Кликс неофицијално дознава дека се работи за ученик кој поради лошо однесување бил префрлен од едно во друго основно училиште.

Полицијата сè уште не соопштува детали за случајот, наведувајќи дека од терен се прибираат оперативни информации.