ВИДЕО | Победи на Филаделфија и Лејкерс без најдобрите, блескаа Тајрис Макси и Остин Ривс
Tимот на Филаделфија изминатата вечер ја прекина серијата од четири порази во низа и тоа во момент кога можеби најмалку се очекуваше. На гости кај Јута славеа со 127:124 без услугите на својот најдобар кошаркар Џоел Ембид.
Ембид се повреди на претходниот меч и се уште не се знае колку ќе паузира, меѓутоа се најде соодветна замена за него.
Во отсуство на Ембид одговорноста ја презема Тајрис Макси кој само на неколку часа пред натпреварот дозна дека првпат ќе игра на „Ол-стар“ натпревар. Тоа како да го мотивираше па против Јута постигна 51 поен. Макси го заврши натпреварот со седум тројки од девет шута, вкупно 17/27 и сето тоа без изгубена топка за 41 минута.
Лос Анџелес Лејкерс исто така ослабени без Леброн Џејмс и Ентони Дејвис славеа против Болтон Селтикс со 114:105. Херој на Лејкерс беше Остин Ривс кој ја искористи слободата и постигна 32 поени со седум тројки од десет шута.
Доминираа Лејкерс цело второ полувреме и најчесто имаа двоцифрена предност, а иако се очекуваше да видиме притисок од домаќините во последната четвртина тоа не се случи. Најефикасен кај Бостон беше Џејсон Тејтум со 23 поени.
НБА РЕЗУЛТАТИ:
Бостон – ЛА Лејкерс 105-114
Њујорк – Индија 109-105
Мемфис – Кливленд 101-108
Јута – Филаделфија 124-127