ВИДЕО | Нотингем Форест го круниса Манчестер Сити за нов шампион во Премиер лигата!
На едно коло пред крајот на Премиер лигата, Манчестер Сити е нов шампион во Премиер лигата, ова стана јасно откако денес Нотингем Форест го победи Арсенал со 1:0.
Нотингем Форест успеа да го изненади фаворитот овој натпревар и така официјално да се спаси од испаѓање во понизок ранг бидејќи веќе има 37 бода, Лидс кој е последен во опасната зона е на 31. Од друга страна Арсенал и математички изгуби шанса да го стигне Манчестер Сити кој од вечерва може да ја слави шампионската титула.
За Арсенал ова беше втор пораз во низа и втор натпревар во кој не постигнаа гол, претходно коло Брајтон беше подобар од избраниците на Артета со со 0:3.
Единствениот гол на натпреварот денес го постигна Авонји во 19-тата минута од средбата. Арсенал беше поконкретен и до крајот на натпреварот создаде повеќе прилики за гол, но тоа не им помогна многу затоа што изостана реализацијата.