Најголемиот носач на авиони во светот, американскиот „УСС Џералд Р. Форд“, ја напушти Хрватска по петдневен престој во пристаништето Сплит кое беше искористено за поправки и ја продолжи својата мисија упатувајќи се кон американските воени сили на Блискиот Исток.

Поправки и дополнување на залихи во Сплит

Како што пренесуваат регионалните медиуми, во Сплит, членовите на екипажот го искористиле своето слободно време за да го посетат градот, а командантот Пол Ланселота остварил и средба со амбасадорката на САД во Хрватска, Никол Мекгроу, за да разговараат за ангажманот и подготвеноста на групата за мисијата.

🚨🇺🇸 DERNIÈRE MINUTE : Le porte-avions USS Gerald R. Ford, le plus grand au monde, a quitté la Croatie après une escale de 5 jours et est retourné en mer, réparé, réapprovisionné et prêt pour des missions. 

Le navire est désormais prêt pour un déploiement opérationnel complet… pic.twitter.com/IZBd8cDYW1

— Trump Fact News 🇺🇸 (@Trump_Fact_News) April 3, 2026

Инаку, американскиот воен брод ја напушти областа на Блискиот Исток на почетокот на минатата недела откако беше оштетен во пожар што избувна во пералната и спалните соби за време на конфликтот со Иран. Во соопштението објавено неодамна, американската морнарица потврди дека поправките биле завршени и дека бродот е надополнет со залихи за време на неговиот престој во Сплит кои се потребни за продолжување на операциите на Блискиот Исток.

Зајакнување на военото присуство на Блискиот Исток

„УСС Џералд Р. Форд“ и неговата придружба беа испратени на Блискиот Исток кон средината на февруари за да се приклучат на други воени бродови веќе распоредени покрај брегот на Иран. Ова го зајакна американското воено присуство во регионот, неколку недели пред почетокот на заедничките американско-израелски напади.

Бродовите, вклучувајќи го и „УСС Абрахам Линколн“, служат како платформи за десетици авиони и илјадници војници кои учествуваат во воздушната кампања против Техеран, пренесуваат агенциите.