ВИДЕО: Милвоки немоќен без Јанис, Батлер ги урна Бакси за предност на Мајами
Кошаркарите на Милвоки бакс во НБА плеј-офот беа поразени од Мајами хит ноќта меѓу саботата и неделата со 121:99.
Мајами многу убедливо го победи фаворизираниот тим на Бакс и поведе со 2:1 во серијата, предводен од Џими Батлер и неговите 30 поени, пет скока и четири асистенции.
Бакс настапи без својот најдобар играч Јанис Адетокумбо, кој доживеа болен пад и повреда во првиот натпревар од серијата по обидот за забивање.
Во негово отсуство, Крис Мидлтон мораше да ги влече конците од играта на својот тим, но неговите 23 поени, пет скока и шест асистенции не беа доволни за победа.
Лос Анџелес лејкерс поведе со 2:1 во серијата против Мемфис најмногу благодарение на Ентони Дејвис (31 поен, 17 скока) и Леброн Џејмс (25 поени, девет скока, пет асистенции).
Најрасположен во редовите на Гризлис беше Џа Морант со 45 поени, девет скока и 13 асистенции.
НБА плеј-оф, резултати –
Мајами хит – Милвоки бакс 121:99 (2:1)
Лос Анџелес лејкерс – Мемфис гризлис 111:101 (2:1)