Девет лица, меѓу кои двајца војници, загинаа во напад на милитанти врз автобус во северен Пакистан, додека повеќе од 20 се ранети, соопшти денеска локалната полиција.

Нападот се случил синоќа на автопатот Каракорам кој ги поврзува Пакистан и Кина и минува низ провинцијата Хајбер Пахтунхва, која во минатото беше жариште на тероризам поради присуството на пакистански талибанци и други милитантни групи.

Автобусот превезувал патници од Гилгит до Равалпинди кога бил пукано врз него, поради што возачот изгубил контрола и удрил во камион, кој се запалил при што двајцата возачи загинале на лице место.

Gunmen attacked a bus near the town of Chilas in northern Pakistan, killing at least eight passengers and wounding at least 15, district and regional officials said https://t.co/v7lCif911a pic.twitter.com/NNUvajwDoG

— Reuters (@Reuters) December 3, 2023

Според локалните власти, најмалку 26 луѓе се повредени и пренесени во блиските болници.

Началникот на полицијата во Гилгит нападот го нарече терористички чин.

Пакистанскиот привремен премиер Анвар ул-Хак Какар го осуди нападот, велејќи дека „нема да им се дозволи на антидржавните елементи да го саботираат мирот во Гилгит Балтистан“ и вети дека ќе ја продолжи борбата „против терористите“.

Формиран е специјален истражен тим кој ќе го испита нападот и ќе ги уапси одговорните.

Сè уште никој нема преземено одговорност за нападот.