ВИДЕО | Мексико: Уапсен синот на наркобосот Ел Чапо
Синот на затворениот наркобос Хоакин Гузман, попознат како Ел Чапо, Овидио Гузман, бил уапсен денеска од мексиканските власти, јавува „Си-ен-ен“.
Апсењето доаѓа по судирите во милионскиот град Кулијакан во северната држава Синалоа, каде оперира истоимениот нарко-картел – една од најмоќните светски организации за шверц на дрога.
Мексиканските медиуми објавија дека во знак на револт поради апсењето, припадници на картелот Синалоа пукале врз комерцијален авион на аеродромот во Кулијакан. Во инцидентот нема повредени.
ALERT – Ovidio Guzman, son of drug kingpin "El Chapo" Guzman have been arrested in an operation in Sinaloa, Mexico – Mexican carrier Aeromexico says plane hit by gunfire – here's what it reportedly looks like from inside an aircraft https://t.co/iNXGL1L6Lj pic.twitter.com/ZjNZAV6fCm
— Insider Paper (@TheInsiderPaper) January 5, 2023
Гузман помладиот, кој стана клучна фигура во картелот Синалоа по апсењето на неговиот татко, беше накратко приведен во октомври 2019 година од безбедносните сили. Набргу потоа, сепак, тој беше ослободен за да избегне крвава одмазда од неговиот наркокартел, што беше срамен неуспех за мексиканските власти.
Утринава, безбедносните сили се обидуваа да ја спречат реакцијата на семејството Гузман за време на апсењето, изјави еден од официјалните претставници.
#URGENTE | CAOS EN SINALOA
Así se instalaron los miembros del Cártel de #Sinaloa en las carreteras, después de que los militares recapturan a #OvidioGuzmán López, “El Ratón”, hijo de Joaquín "El Chapo" Guzmán, en un intento por liberarlo.
pic.twitter.com/J1g8YJ2bse— Sivar News (@SivarNewsSV) January 5, 2023
Локалните власти ги повикаа луѓето да останат дома и рекоа дека училиштата и институциите се затворени поради судирите. Градскиот аеродром исто така останува затворен.
„Ги замолуваме граѓаните на Кулијакан да не ги напуштаат своите домови поради блокадите во различни делови на градот“, напиша на Твитер градоначалникот, Хуан де Диос Гамез.