ВИДЕО: Македонскиот репрезентативец Димитријевиќ го однесе Уникс во финалето на ВТБ лигата
Ненад Димитријевиќ и неговиот Уникс Казан, ќе играат во големото финале на ВТБ лигата, односно серија против екипата на Локомотив Кубан која ќе го даде новиот шампион во ова силно натпреварување.
Екипата на ЦСКА Москва на македонскиот тренер Емил Рајковиќ ќе игра против Зенит за „бронзата“.
Во еден доста драматичен меч во Казан, Димитријевиќ блескаше во „мајсторката“ против Зенит со 24 поени, шест асистенции и два скока, а имаше одлична реализација за два поени, осум од 10, една тројка од четири обиди и пет од шест од линијата за слободни фрлања.
Нашиот репрезеннтативен бек во финишот погоди за 79:79, Зенит загуби топка во следниот напад, а Уникс со едно слободно фрлање кое го реализираше Хантер на неполна секунда пред крајот дојде до клучната победа (80:79) во полуфиналната серија против Зенит.
Ова е петти пласман на Уникс Казан во финалето на ова регионално натпреварување, и во серијата „подобар во седум“ натпревари Димитријевиќ и неговите соиграчи ќе се обидат да дојдат до првиот трофеј.