Дербито на викендот во европскиот фудбалер се одигра вчера на „Енфилд“ каде Ливерпул и Манчестер сити одиграа 2:2. Натпреварот заврши без победник, но „славата му припадна“ на Мохамед Салах.

За магијата на египетскиот репрезентативец се зборува низ целиот свет, а му се воодушевуваат дури и најверните навивачи на Манчестер сити.

Салах во натпреварот против Сити прво му асистираше на Садио Мане за прво водство на Ливерпул, а потоа го воодушеви светот. Веќе со самиот прием на топката ги „измести“ дефанзивците на Сити, пред неговите мајстории „паднаа“ Кансело, Фоден и Бернардо Силва, а потоа и Лапорта по што следеше шут со кој го матира и Едерсон.

Фановите веднаш се фатија за работа и направија видео од сите можни агли на магијата на Салах со која ја „измеша“ целата одбрана на Сити, а овој потег го воодушеви и Леброн Џејмс.

YES HE IS!! https://t.co/FZbKa3VDv7

— LeBron James (@KingJames) October 3, 2021

Салах игра неверојатно сезонава, на девет натпревари постигна девет гола и има три асистенции.