ВИДЕО: „Кралевите“ два пати го матираа Димитриевски
Фудбалерите на Реал Мадрид го совладаа досегашниот хит во Ла Лига, Рајо Ваљекано со 2:1 во 13. коло во шпанскиот шампионат.
По двата натпревари на кои не прими гол, голманот на македонската репрезентација Столе Димитриевски во градската пресметка два пати мораше да ја вади мрежата од сопствената мрежа.
„Кралевите“ фуриозно го започнаа натпреварот, Винисиус Жуниор постигна гол во петтата минута кој беше поништен поради офсајд.
Но, девет минути подоцна, Тони Крос постигна гол за водство на Реал Мадрид кој до крајот на првиот дел постигна уште еден гол. Карим Бензема на асистенција на Давид Алаба во 38. минута го дуплира водството на Реал Мадрид.
Но, во второто полувреме играчите на Рајо Ваљекано одиграа далеку подобро и во 76 минута преку Радамел Фалкао го намалија резултатот. Во судиското продолжение Рајо имаше шанса во 92 минута, но Крос ја вадеше топката од гол линијата.