ВИДЕО | Jувентус лесно против Кремонезе, Погба првпат стартуваше и повторно повреди
Фудбалерите на Јувентус на домашен терен го совладаа Кремонезе со резултат 2:0 во рамките од 35-тото коло од италијанската Серија А.
„Старата дама“ вечерва играше во нови дресови и забележа прилично лесна победа против Кремонезе кој го чека тешка битка за опстанок во Серија А.
Пол Погба за првпат доби шанса од првата минута сезонава и повтроно се повреди по само 24 минути игра. Засега не е познато од каков карактер е повредата, но Французиот во солзи го напушти теренот.
На местото на Погба во игра влезе Милик. Резултатот беше отворен во 55-та кога Фаџоли го искористи додавањето од Киеза. Конечните 2:0 го постави Бремер на десетина минути пред крајот.
Јувентус со 69 бода е втор на табелата и што е најважно создаде осум бода предност пред Милан кој е на петтата позиција, па со тоа е многу блиску до обезбедување место во ЛШ преку Серија А наредната сезона. Кремонезе е претпоследен со 24 бода.