ВИДЕО: Израел удри врз последната област од енклавата, урната најголемата зграда во Рафа
Израел денеска удри во една од најголемите станбени згради во Рафа, во јужниот дел на Појасот Газа, интензивирајќи го притисокот врз последната област од енклавата во која сè уште не се влезени израелски војници и каде што се засолниле повеќе од милион раселени Палестинци.
Al-Masri Rafah Tower
A 14 story residential building in Rafah has been bombed by Zionists, dozens of people killed and wounded.
pic.twitter.com/FLjh8n2uCa— UnCover (@uncoovr) March 9, 2024
Дванаесеткатницата била оштетена во израелскиот напад, а локалните жители велат дека десетици семејства останале без станови. Засега нема извештаи за жртви.
Израелската армија објави дека го гаѓала станбениот блок, бидејќи Хамас го користи за планирање напади врз Израел од таму.
Израел предупреди дека има намера да спроведе повеќе акции во областа, која ја смета за последно упориште на Хамас.
Израелските напади ја втурнаа Газа во уште подлабока хуманитарна катастрофа.
IDF fighter planes struck a residential tower in the center of #Rafah, in the south #Gaza Strip
According to local reports, the building was hit with four missiles. pic.twitter.com/KJI0JpOu9q
— 𝐂𝐡𝐞 𝐆𝐮𝐞𝐯𝐚𝐫𝐚 ☭ (@cheguwera) March 9, 2024
Во говорот одржан денеска по повод одбележувањето на Денот на мачениците и ветераните на Египет, претседателот на таа земја Абдел Фатах ал Сиси рече дека трошоците за обнова на уништената Газа би можеле да надминат 90 милијарди долари.
Поголемиот дел од оваа крајбрежна енклава до денес е претворен во урнатини, а повеќето нејзини жители се раселени. ОН предупредија на ширење на болести и глад што ги погодуваат цивилите.