ВИДЕО: Интер „гази“ кон Скудетото, Каљари во борба за опстанок!
Фудбалерите на Интер славеа денеска на домашен терен против Каљари со 1:0 во првиот натпревар од неделната програма од 30 коло во Серија А, и со тоа стигнаа до 11 последователна победа во италијанскиот шампионат.
Во малку изменета постава во споредба со вообичаената оваа сезона, Интер се мачеше против тимот кој е кандидат да игра во Серија Б. Клучниот момент се случи кога Матео Дармијан ја затресе мрежата на гостите во 77 минута после асистенцијата на Акраф Хакими.
Победата на „неро-аѕурите“ можеше да биде поголема, Алексис Санчез постигна гол во 18 минута, но истиот беше поништен поради офсајд, а Стефан де Врај во 69 минута ја погоди пречката.
Со овој триумф на осум кола пред крајот на првенството, Интер има предноста од 11 бода пред градскиот ривал Милан и направи уште еден чекор на патот кон освојување на Скудетото.
Од друга страна, Каљари со четвртиот последователен пораз остана на пет бода зад сигурната зона, па до крајот на сезоната ќе води грчевита борба за опстанок.