ВИДЕО I Кој е напаѓачот од Рамбује кој уби невооружена полицајка: Единиците за антитероризам се во акција
Антитерористичките обвинители ја презедоа истрагата, а убиството се третира како можен терористички напад.
Полицајката (48), која беше избодена до смрт во напад со нож во полициската станица во Рамбује, југозападно од Париз, не беше вооружена. Таа била прободена со нож во вратот, јави Би-Би-Си. Напаѓачот (36), кој наводно дошол во Франција од Тунис пред неколку години, бил застрелан, а подоцна починал во болницата.
🔴 ALERTE INFO – #FaitsDivers : Une fonctionnaire de police a été tuée en début d’après-midi lors d’une attaque au couteau. La fonctionnaire administrative a été touchée à la gorge. L’assaillant, de nationalité tunisienne, qui était également blessé, est mort. #terroriste pic.twitter.com/DVQ17EI8PI
— FranceNews24 (@FranceNews24) April 23, 2021
Нападот се случил на влезот во полициската станица попладнево кога полицајката се враќала од пауза, во 12,20 часот.
Сведоците изјавија дека го виделе напаѓачот како шета пред станицата додека разговарал со мобилен телефон и ја искористил шансата кога таа се приближила до влезот.
Тој ја нападнал жената, а потоа нејзините колеги пукале во него.