Горан Герасимовски, кандидатот за градоначалник на општина Центар од СДСМ и Коалицијата, заедно со подржувачите на борците од НОБ, носителката на листа во општина Центар Андријана Будимир – Филиповски и Координаторката на жените на ОО СДСМ Центар Маја Борозан со положување свежо цвеќе се поклони пред споменикот на Споменикот на паднатите борци и оддаде почит на партизаните од НОБ по повод државниот празник 11 Октомври, „Денот на народното востание“, им испраќа честитка на сите граѓани на републиката.

– Горди и исправени денеска ја прославуваме 80 годишнината од државниот празник „11 октомври. Ден кога нашиот храбар македонски народ во Прилеп и Куманово се крена против окупаторот за ослободување на државата. И успеа, денеска растеме нови генерации и живееме во аманет слободна и да ја зачуваме, изјави Герасимовски.

Тој исто така порача дека денеска нашата држава е членка на НАТО и нашите државници седат рамо до рамо со најсилните сојузници, ние живееме во демократска држава, онаму каде се почитуваат слободите и правата.

– Водејќи се од вербата на еднаквост и човечност денеска живееме почитувајќи ги различностите-слободни во едно општество за сите. Затоа е важно да бидеме свесни за нашата одговорност во чувањето на државата и слободата, а тоа може да го направиме ако ја преземеме одговорноста на нашата генерација. Да ја зачуваме државата, да ја градиме и водиме напред, сите заедно да изградиме силна економија во која младите генерации ќе ја гледаат иднината, изјави Герасимовски.