Староновиот градоначалник на Шуто Оризари Курто Дудуш, откако ја загуби поддршката од СДСМ, победи како кандидат на ЛДП и ДОМ во општината. 

-Јас посакував да бидам кандидат на СДСМ, но органите на партијата одличија да не бидам нивен кандидат, па ме поддржаа ЛДП и ДОМ, изјави за Утрински брифинг Курто Дудуш, градоначалник на општина Шуто Оризари.

Тој се осврна и на состојбите во партијата, коментирајќи го својот пост вчера на Фејсбук кога објави своја фотографија со кумановскиот градоначалник Максим Димитриевски и напиша дека е „иден Претседател на СДСМ и мандатар за нова влада“, но со прашалник на крајот.

-Претседателот Заев ќе си даде оставка и повеќето од нив ја делат истата мисла дека е потребен нов лидер и го препознавам Максим Димитриевски како претседател на СДСМ. Јас имав храброст за разлика од другите да го кажам тоа во јавност, ќе видиме што ќе се случи. Тој е авторитет, победник, не е  некој но нејм и треба да биде лидер на СДСМ, рече Дудуш.

Градоначалникот Дудуш во Утрински брифинг се осврна и на новите проекти во Општина Шуто Оризари и нагласи дека ќе биде фокусиран и концентриран на општината и Шуто Оризари треба да го направиме едно пристојно место за живеење, спроведувајќи ги во иднина политиките на ЛДП и ДОМ, додава Дудуш.

-Постојано спроведуваме со легализација на објекти во нашата општина. Повеќе од 2.000 легализации се дадени во претходниот мандат. Имаме уште најмалку 2.000 легализации за издавање. Погрешна информација е дека Шуто Оризари нема питка вода. Јас гарантирам дека 99% од нашата општина е покриена со водоводна мрежа, вели Дудуш. Од формирањето на нашата општина се нема донесено ДУП, работи интензивно на тоа. Во моментот се донесени два плоковски ДУП-а. Отприлика сме на 60% до завршување на сите ДУП-а на територија на цела општина, изјави за Утрински брифинг Кутро Дудуш, градоначалник на општина Шуто Оризари.