Пациентите на дијализа кои побараа да им се врати такси превозот и денеска во центарот за дијализа Диаверум дојдоа со комбе.

Според менаџерката  за комуникации и човечки ресурси Фросина Гоговска  вели дека комбињата не се новитет, истите се користеле и претходно во зависност од логистичките потеби на самиот центар но и на пациентите.

– Комбињата не се новитет, постоеле и претходно, тоа не е ништо ново. Такси превозот не им е укинат, тој постои како опција, но важно е сите да знаат дека од 2014 година, откако постои центарот, превозот е организиран комбинирано со такси возила и со комбиња. Секој пациент е земен и вратен до својот дом, иако во договорот со Министерство за здравство ние немаме таква обврска, туку од збирно место во општината да ги земаме и враќаме пациентите по дијализата. Сепак, нашата компанија, разбирајќи дека дијализата е тежок и исцрпувачки процес, по своја добра волја секој пациент го носи до својот дом, појаснува Гоговска.