Во денешното дерби во Премиер лигата силите ги одмерија лондонските ривали Арсенал и Тотенхем. Средбата на крајот заврши со победа од 3:1 за домаќините.

Заслужено Арсенал стигна до победата во натпреварот кој беше отворен со еден прекрасен гол. Томас Парти после 20 минути игра со одличен удар од далечина го матираше Лорис и го доведе својот тим во водство. Тотенхем не се откажа и изедначи десет минути подоцна преку Хари Кејн кој беше реализатор на најстрога казна.

Со тој резултат (1:1) беше завршено и првото полувреме. Не се чекаше многу за да видиме гол во вториот дел. Габриел Жесус само четири минути по почетокот на второто полувреме го врати Арсенал во водство.

Победата на Арсенал на големо беше најавена во 62. минута кога дефанзивецот Емерсон Ројал заработи директен црвен картон после еден невнимателен старт. Гранит Џака само пет минути подоцна ги постави конечните 3:1.

За Тотенхем ова беше прв пораз во сезоната, а Арсенал со триумфот и после ова коло ќе остане лидер со 21 бод. На втората позиција е Манчестер Сити со натпревар помалку и 17 освени бодови.