Сексот е интимен чин, при кој телото поминува низ бројни промени. Иако секој од нас има различни желби и потреби, телото речиси кај сите жени реагира на многу сличен начин, пишува хрватскиот „Дневник“.

Една од овие реакции е потребата за мокрење после секс. Кај некои може да биде многу силно и непосредно, додека кај други жени се појавува по неколку минути. Во никој случај не треба да ја игнорираме оваа потреба.

Нашето тело е многу софистицирана машина, чија улога е да нѐ заштити што е можно повеќе од потенцијалните опасности кои демнат во нашата околина.

Една од овие опасности се крие во бактериите. Имено, за време на сексуалниот однос, телото е изложено на бројни бактерии кои можат да се „кријат“ на места каде што не ги сакаме.

Д-р Невен Капун, специјалист по урологија, објаснува како воспалението на мочниот меур е директно поврзано со сексуалниот однос.

„За време на сексуалниот однос, бактериите се шират низ мочниот канал кон мочниот меур, што кај жените може да доведе до акутно воспаление на уринарниот тракт. Со мокрењето после секс, ние всушност го ‘чистиме’, односно го исплакнуваме уринарниот тракт од бактерии“, истакнува д-р Капун.

Затоа, доколку почувствувате силна потреба за мокрење после секс, одложете го галењето за неколку минути и слушајте го вашето тело.