Вакцинацијата во екс Ју републиките : Само две земји со над 50 проценти вакцинирани , едната од нив е најлоша во Европа
Додека светот се бори да го зголеми бројот на вакцинирани лица , на балканските земји не им оди баш најдобро на тоа поле. Процесот на вакцинација напредува бавно, голем број луѓе се уште не сакаат да се вакцинираат, а бројот на заразени расте од ден на ден.
Најголем процент на вакцинирани граѓани на Балканот имаат Хрватска и Словенија Во овие земји бројот на граѓани кои ги примиле двете вакцини надминува 50 отсто, а најнизок резултат има Босна и Херцеговина – со одвај 25 отсто вакцинирани жители.
Трета на оваа листа се наоѓа Србија и бележи 44,42 отсто целосно вакцинирани со 2,33 отсто од оние кои ја примиле само првата доза. Вкупната оценка на Србија е 46,75 отсто од граѓаните кои добиле вакцина . Од почетокот на пандемијата, регистрирани се повеќе од 1,2 милиони случаи со речиси 11.000 смртни случаи.
Четврта е Црна Гора со 39,67 отсто целосно вакцинирани граѓани. 2,64 отсто од луѓето биле делумно вакцинирани, а вкупно 42,31 отсто од граѓаните ја примиле вакцината Од почетокот на пандемијата, во Црна Гора се регистрирани 152.931 случаи на заразени, а починале 2.217 лица.
На пето место се наоѓа Северна Македонија, во која 37,68 отсто од луѓето ги примиле двете дози, а само првата ја примиле 3,99 отсто. Вкупниот процент на вакцинирани е 41,67 отсто. Бројот на заразени од почетокот на пандемијата до сега е 209.971, а повеќе од 7.300 починале.
Од сите земји на поранешна Југославија, Босна и Херцеговина е најлоша,во однос на процентот на вакцинирани но е и една од најлошите во цела Европа.
Само 22,08 отсто од граѓаните се целосно вакцинирани, а делумно само 3,45 отсто, па вкупниот резултат на вакцинација е само 25,53 отсто. Од почетокот на пандемијата, бројот на заразени во оваа земја достигна 265.942, додека бројот на починати е 12.113.
Кога ќе ја погледнеме секоја земја посебно и ќе ја споредиме со статистиката во Европа, ЕУ и светот, јасно е дека земјите од регионот,, имаат многу мал степен на вакцинирани во однос на останатите држави
За споредба, европскиот просек е 61, а светскиот просек е 52 отсто за целосно вакцинирани лица.
