Утаир, една од најголемите руски авиокомпании ќе приземји третина од авионите
Утаир, една од најголемите руски авиокомпании ќе приземји третина од авионите
Една од најголемите руски авиокомпании, Утаир, со голема мрежа во Сибир, би можела да има една третина од своите хеликоптери надвор од употреба поради тешкотии во набавката на делови, призна генералниот директор на компанијата Андреј Мартиросов. Говорејќи на саемот за воздухопловство во Москва, тој рече дека санкциите што Западот ги воведе кон Русија по почетокот на инвазијата на Украина се одразуваат на руската економија. Руските власти претходно тврдеа дека земјата ќе може да најде замена за странски делови и други производи, потсетува АП, објави АлЏезира Балканс.
„Од хеликоптерите во оптек, флотата може да се намали за 30 проценти. Тоа главно се должи на моторите, како за хеликоптери од странско производство, така и за домашни хеликоптери кај кои моторите не се домашно производство“, рече Мартиросов. Утаир е четврта по големина руска авиокомпанија која има повеќе од 200 авиони и хеликоптери и обезбедува и редовни и чартер летови. Неговиот сообраќај е насочен кон големите нафтени полиња и рударски области во Сибир.