Боранијата е вообичаен избор за многу домаќинки кога станува збор за подготовка на ручек, бидејќи не само што едноставно се подготвува, туку е и здрав оброк, со додаток на зеленчук. Меѓутоа, иако најчесто ја приготвуваме во чорбеста варијанта, печената варијанта е исто така многу вкусна и хранлива, а ќе им се допадне и на оние кои не се љубители на варена боранија.

Состојки:

– 450 гр боранија

– 250 гр пилешко бело месо

– 2 јајца

– 150 гр кашкавал

– 300 гр павлака

– главица кромид

– лук

– морков

– зачини

Подготовка:

Кромидот ситно исечкајте го, па динстајте го во тавче со масло. Сипете ги сечканиот морков и лукот (2-3 чешниња), па динстајте и по неколку минути додадете ја и боранијата, а потоа и зачинете.

Пилешкото пропржете го посебно, па додадете го во боранијата. Потоа, сè сипете во огноотпорен сад или плех.

Измешајте ги јајцата и павлаката, па прелијте ја боранијата. Врз боранијата изрендајте го кашкавалот.

Печете во загреана рерна на 200 степени околу 30 минути.