УЕФА попушти под притисокот на Манчестер Сити и Барселона
Во петок се очекува жрепката за завршницата во Лигата на шампионите иако се уште не се завршени осминафиналните натпревари, но УЕФА веќе потклекна на притисоците на одредени екипи.
УЕФА попушти под притисокот и дозволи Манчестер сити и Барселона реваншите од осминафиналето да ги играат на домашен терен пред празни трибини. Манчестер сити го пречекува Реал Мадрид кој од друга страна лобираше овој натпревар да се игра на неутрален терен во Лисабон, додека Барселона го пречекува Наполи.
УЕФА сакаше реваншите да се играат во Лисабон каде ќе се одигра и завршницата во ЛШ, но поради зголемувањето на бројот на заболени од коронавирус во Португалија им удоволи на барањата на Сити и Барселона и дозволи тие да играат на домашен терен без навивачи.
Од порано беше одлучено Јувентус на својата „Алијац Арена“ да ја брка негативата против Олимпик Лион, како и дека Баерн Минхен исто така на својата „Алијац Арена“ да го пречека Челси кого во првиот натпревар го победи со 3:0.
Реванш осминафиналните натпревари ќе се играат на 7. и 8. август, додека четвртфиналињата се на програмата на 14. и 15. август, додека финалето е закажано за 23. август на стадионот на Бенфика.