Уапсен познат грчки автор, во архивата му нашле над сто видеа со детска порнографија
Познатиот грчки автор на романи за деца и млади, Василис Папатеодору е под истрага од грчкото обвинителството, откако во неговата архива биле пронајдени видеа од детска порнографија.
Неверојатна приказна за 53-годишниот автор кој зад себе има голем број награди за неговите литературни дела за деца, беше објавена од страна на грчкиот медиум „Прототема“.
По истрагата која траела повеќе од еден месец, од грчкото обвинителство во неговите досиеја открија повеќе од 100 видеа со детска порнографија. Тој бил уапсен во грчкиот град Триполи, обидувајќи се да ја напушти државата.
Случајот од страна на полицијата е оценет како крајно сериозен, бидејќи се истражуваат и неговите врски со индустријата која стои зад детската порнографија, додека се разгледува можноста дали покрај преземањето на одвратниот материјал, обвинетиот имал и други активности поврзани со тоа.
Апсењето било извршено преку програмата на грчката полиција за справување со феноменот на детска порнографија, по употреба на информации добиени од странски власти, со помош на меѓународна полициска соработка.
По детална и темелна онлајн истрага, идентификуван е корисник, на грчка територија, кој добил пристап до различни веб-страници, апликации и поседувал датотеки погодни за дистрибуција со материјал за сексуална злоупотреба на малолетници.
Потоа полицијата воочила дека всушност станува збор за познатиот автор.