Од Твитер повторно реагираа на една објава на Доналд Трамп, откако тој на социјалната мрежа тврдеше дека е имун на коронавирусот, по што беше поставено предупредување дека најавата на американскиот претседател ги крши правилата за да спречи ширењето дезинформации за ковид-19.

– Вкупниот и целосен заклучок на докторот од Белата куќа вчера. Тоа значи дека не можам да го добијам или да го ширам. Многу е убаво да се знае тоа – напиша Трамп на твитот обележан од Твитер како „кршење на правилата за ширење погрешни и потенцијално штетни информации за ковид-19“.

Американскиот претседател Доналд Трамп изјави дека сега е имун на ковид-19, еден ден откако неговиот лекар објави кратко писмо во кое се вели дека веќе не е опасен за околината и не може да го пренесе вирусот.

– Се чини дека сум имун, не знам, претпоставувам долго време, можеби за пократко време, а можеби и за цел живот. Никој не знае со сигурност, но јас сум имун – изјави тој во телефонското интервју за Фокс њуз.

Во однос на имунитетот на ковид-19, сè уште има многу непознати. Не е познато точно колку долго антителата обезбедуваат заштита или колку долго може да трае имунитетот.

Трамп се пофали дека оздравел: Немам повеќе ковид-19, можам да излезам од подрум