Три златни правила за обликување на веѓите!

Трендовите на денешницата донесоа нови правила кога е во прашање обликувањето на веѓите. Веѓите се исцртуваат, тетовираат, бојат, но останува прашањето колку тие изгледат природно и убаво на жената. Многу лесно може да се претера и жената го менува личниот опис, но во негативен контекст. Меѓутоа, стилизирањето на веѓите на соодветен начин ќе даде убавина на ликот на жената, ќе ја освежи и ќе и го отвори погледот.

Секако веѓите се разликуваат од лице до лице.

Во било која група да спаѓате, постојат 3 правила за добро обликување на веѓи кои секоја од нас треба да ги знае и почитува.

Правило број 1

Почетокот на веѓите треба да биде рамен со коската на носот. Тоа место лесно ќе го одбележите доколку со молив или четкичка притиснете паралелно од носот. Точката кај што се сечат веѓите е местото каде што тие треба да почнат.

Правило број 2

Лакот на веѓите треба да биде 2/3 од вкупната должина. Поставете го моливот така што ќе поминува преку зеницата – местото каде што ќе се пресече со веѓата е местото каде што треба да биде лакот. Најголема грешка е доколку го поставите лакот точно на средината на веѓата. Така ќе добиете облик на виножито на кој не му одговара на никој.

Правило број 3

Крајот на веѓата треба да биде на замислената точка која ја добивате кога моливот ќе го поставите од врвот на носот преку надворешниот агол од окото до линијата на веѓата. Можете и благо да ги продолжите, но никако не смеете да ги спуштите под точката од која почнуваат.

Со овие три едноставни правила, обликувањето на веѓите сосем ќе одговара на вашиот лик.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот