Трансфер бомба: Баерн Минхен го договори трансферот на Сане
Кога германскиот шампион ќе науми да купи некој играч тоа го прави експресно брзо.
Баерн Минхен успеа во својата намера да го ангажира Лерој Сане од Манчестер сити.
Оваа вест ја потврди еден од најверодостојните новинари кога станува збор за трансферите на Баерн Минхен, Кристијан Фок.
Фок пренесува дека Баерн платил 50 милиони евра за Сане чиј договор истекува наредното лето, а самиот фудбалер ќе потпише петгодишен договор. Германскиот репрезентативец во Баерн го очекува дресот со број 10.
Лерој Сане на „Алијанц Арената“ требаше да се пресели уште минатата година, тогаш Сити бараше 100 милиони евра, а Баерн нудеше 80 милиони, но тешката повреда на лигаментите на Комјунити шилд натпреварот го спречи трансферот, а самиот фудбалер пропушти голем дел од сезоната.
Претходно германскиот шампион успеа бесплатно од ПСЖ да го донесе талентираниот стопер Тангуј Куаси кој има само 18 години и на кого му предвидуваат блескава кариера.
