Трамп на Твитер за првпат го призна поразот: Победи, но изборите беа наместени
Американскиот претседател Доналд Трамп веројатно денеска за првпат јавно призна дека демократскиот кандидат Џо Бајден победи на претседателските избори во САД што се одржаа на 3 ноември, но ги повтори своите тврдења дека „изборите се наместени”.
– Победи, но изборите беа наместени, напиша Трамп на Твитер.
Тој во одделен твит наведе дека сите механички „застои” што се случиле во изборната ноќ се направени бидејќи „тие се фатени како крадат гласови”, не прецизирајќи на кого се однесува тоа.
Трамп повторно ги изнесе тврдењата дека на набљудувачите не им било дозволено да присуствуваат на пребројувањето на гласовите, како и дека гласањето во вид на табела го прикажала „радикално левичарската приватна компанија” Доминион.
Според него, таа компанија има лоша репутација и лоша опрема, која не е квалификувана ниту за Тексас, каде тврди дека тој убедливо победил. Трамп за својот неуспех ги обвини „лажните и тивки медиуми” и други.