Македонскиот репрезентативец Мартин Томовски и Едуардо Гурбиндо ќе бидат нози засилувања за екипата на Вардар, пишува „Спорт1.мк“.
„Спорт1“ пишува дека Гурбиндо во понеделник треба да пристигне на лекарски прегледи, а треба да претставува замена за Марко Вујин кој неодамна ги напушти „црвено-црните“.
Гурбиндо настапува на позицијата десен бек и пристигнува од екипата на Нант каде е соиграч со капитенот и селекторот на македонската репрезентација, Кире Лазаров.

Второто засилување за Вардар е репрезентативниот голман Мартин Томовски кој потпишал двегодишен договор и во СЦ „Јане Сандански“ ќе пристигне по завршување на оваа сезона.
Пристигнувањето на Томовски од германскиот бундеслигаш Лудвигсхафен, најверојатно ќе значи заминување на Французинот Робин Кантегрел.