Сури Круз од разводот на родителите до денес, нема никаков однос со нејзиниот татко, актерот Том круз. Но, како што пренесуваат медиумите, тоа наскоро ќе се смени.

Иако од 2012 година, кога се разведоа Кејти Холмс и Том Круз, тој има право да ја гледа ќерка си по 10 дена месечно, одби да го прави тоа, поради правилата на верата. Имено, бидејќи Сури не припаѓа на скиентолошката црква, Том не смее да контактира со неа.

Опседнатоста на Том со скиентологијата го доведе до развод од Кејти, а поради тоа тој го жртвуваше и односот со ќерка му. Но, според неговите пријатели, Том сега планира да ја напушти скиентолошката црква за да го обнови односот со Сури.

Актерот наводно ги видел нејзините најнови фотографии и сфатил дека сака да биде дел од нејзиниот живот.

„Виде колку е порасната и сето тоа го смени. Том ги жртвуваше најважните работи во својот живот поради скиентологијата и ако се откаже од неа, ќе биде само поради ќерка му“, тврдат пријателите на Том. 

Медиумите пишуваат дека Том на Сури редовно ѝ праќал писма, кои Кејти ги криела од неа. Сури наводно ги нашла писмата во домот на родителите на Кејти во Охајо, ги прочитала и посакала да се види со татко ѝ.