Меланија Трамп во средата се појави на претседателскиот прием одржан во Белата куќа, во модна комбинација која предизвика низа реакции. За средбата со еквадорскиот претседател Ленин Морен и неговата сопруга Росио, 49-годишната прва дама облече тесно здолниште со зимски примероци и бел џемпер врз кој имаше нагрнат минт-капут. Модната комбинација таа ја дополни со розови салонки од плиш.

Секако, најмногу внимание привлече токму здолништето чиј дизајн го потпишува италијанската куќа „Salvatore Ferragamo“, а чија цена спoред модната платформа „Moda Operandi“ изнесува 7000 евра. Интересно е тоа што Меланија сепак не била задоволна со оригиналниот дизајн и го прекроила долниот дел од розова свила. Судејќи според коментарите на друштвените мрежи, тоа бил полн погодок, бидејќи нејзините нозе не поминаа незабележено.

Првата дама на Америка досега сме имале можност безброј пати да ја видиме со капут кој е лесно префрлен преку рамената. Всушност, овој гест стана нејзин заштитен знак. На друштвените мрежи своевремено се појавија теории дека таа тоа го прави за да не мора да го држи својот сопруг за рака.