Автобус во Сирија бил погоден од експлозивна направа во рурална област каде што се активни припадници на Исламската држава.

Најмалку десет работници на нафта во источна Сирија загинале во терористички напад врз нивниот автобус, пренесува Вашингтон Пост.

Сириската државна агенција САНА објави дека цел на „терористичкиот напад“ бил автобус со работници кои се враќале од нафтеното поле Карата во источната провинција Деир ал Зур.

Агенцијата наведува и дека еден работник е повреден.

Сириската опсерваторија за човекови права потврди дека нападот се случил, но наведува дека двајца работници се повредени.

Автобусот бил погоден од експлозивна направа во рурална област каде што се активни припадници на Исламската држава, прецизира организацијата од Велика Британија.

Сириските владини сили ја презедоа контролата врз нафтеното поле во септември 2017 година.