Веста дека церемонијата на устоличување на новиот митрополит на Црна Гора и приморјето на Српската православна црква Јоаникиј ќе се одржи на почетокот на септември во манастирот во Цетиње, предизвика револт кај Црногорците, кои го гледаат организирањето таков собир во Црна Гора како провокација.

Веднаш по објавувањето на веста, патриотските здруженија рекоа дека нема да дозволат, како што наведоа, „српскиот патријарх да го сквернави престолот на Свети Петар Цетински“, црногорски светец од владејачкото семејство Петровиќ-Његош.

„Можете да правите што сакате во вашите цркви. Во нашиот духовен центар, чија слобода беше платена со крвта на нашите предци, нема да можете да востоличите некој што не ја признава Црногорската црква, црногорската држава, црногорската традиција, црногорскиот јазик, црногорската култура “, велат членовите на здруженијата наречени црногорски патриоти.

Јоаникије, епископ Будванско –Никшиќки , беше избран за митрополит на Црногорско-приморската Српска православна црква на Белградскиот бискупски совет во мај, преземајки го местото на митрополитот Амфилохије, кој почина од инфекција со коронавирус кон крајот на минатата година. Церемонијата за преземање на функцијата треба да се одржи на 4 септември во Цетиње, објави Српската православна црква.

На устоличувањето на Јоаникиј  на Цетиње се противат и црногорските опозициски партии, кои и порачуваат на Српската православна црква да ја одржи церемонијата каде било, освен во црногорскиот главен град.

Од друга страна, црногорскиот премиер Здравко Кривокапиќ, човек кој седна на премиерската фотелја по предлог на Српската православна црква, рече дека устоличувањето на новиот црногорски митрополит ќе се одржи во Цетиње и рече дека ќе присуствува на светиот чин без лично обезбедување.