Тенисерка со осум прсти ќе игра на Вимблдон
Третиот годинешен Гран слем турнир, Вимблдон, ќе се одржи од 1 до 14 јули, а посебна ѕвезда на него ќе биде 18-годишната Франческа Џонс која доби вајлд карта за настап на престижниот турнир.
Причината за тоа е што Џонс е родена со ретко генетско пореметување (EED или EEC). Таа е родена со испреплетени прсти и по неколку операции, Џонс има по три прсти и два палци на рацете, четири прсти на левата нога и само три прсти на десната нога.
Francesca Jones, la tenista que compite con ocho dedos
Entrena en España, tiene 18 años y participará en Wimbledon gracias a una invitación ?
Por davidboti ✍️
➡️ https://t.co/UAjSpFMeBi pic.twitter.com/2LcLZeIeDN
— Michel Arturo Ugueto (@michelreportv) June 23, 2019
Поради тој хендикеп, Франческа Џонс имаше големи проблеми со рамнотежата но нејзината волја, желба и борбеност ја однесе на најпрестижниот тениски турнир во светот, со што покажа дека не постојат граници за неа.
– Секогаш велам дека најголемо задоволство во животот е тоа што луѓето велат дека не е возможно. Тоа е моето мото и живеам со него. Секојдневно работам напорно и ги соборувам своите граници. Знам колку се борев досега за да станам тенисерка. Верувам дека можам да се приближам кон врвот и не треба никогаш да ве ограничува нечие мислење на другите луѓе – вели Џонс која моментно се наоѓа на 297 место на ВТА ранг листата.
Таа без проблеми и негодување, напротив со гордост зборува за својот хендикеп.
– Имам четири прсти на рацетем три прсти на левата нога и помалку заби од поголемиот дел од луѓето. Родена сум со испреплетени прсти и навистина не знам на колку операции бев досега – зборува Франческа Џонс.