Полицијата се запрепастила кога го затекнала шестгодишното дете како клечи, врзано со синџир за врата.

На неговото тело биле откриени и трагови од физичко злоставување, а таткото признал дека го тепал детето со цел „правилно да го воспита“, соооштила регионалната полиција во Луганск.

-Детето беше врзано како куче – пренесува „Дејли Меил“.

Потоа, шестгодишното момче било одведено од домот во селото Ајдар-Миколаивк во Луганската област, на исток во Украина.

Според првичните сознанија, на таткото ќе му се одземат секакви родителски права и ќе одговара пред судот поради тоа што детето го изложувал на тортура, за што му се заканува максимална казна од пет години затвор.

Abused boy, 6, discovered 'chained up like a DOG' by 'violent' father for 'educational purposes' is freed https://t.co/8xtrJd9MFm

— Daily Mail Online (@MailOnline) June 29, 2019

Полицијата реагирала откако момчето им се доверило на пријателите. Тие им кажале на своите родители, кои ја известиле полицијата.

Момчето било примено во болница поради подетални прегледи, а најверојатно ќе биде сместено во сиропиталиште.